روٹھی بیوی کو منانے کا حربہ شوہر کو الٹا پڑ گیا
چنیوٹ (ویب ڈیسک) پنجاب کے شہر لالیاں میں روٹھی بیوی کو منانے کا حربہ شوہر کو الٹا پڑ گیا، بیوی کو منانے کی خاطر فائر لگنے کا ڈرامہ رچانے والا شوہر پابند سلاسل ہو گیا۔
تفصیلات کے مطابق علی رضا نے پولیس کو اطلاع دی کہ دوران ڈکیتی اسے دو افراد نے فائرنگ کرکے زخمی کر دیا ہے، جس پر پولیس موقع پر پہنچی اور دوران تفتیش علی رضا کا بھانڈا پھوڑ دیا۔
پولیس کو معلوم ہوا کہ علی رضا کی بیوی جھگڑا کرکے اس سے ناراض ہوکر میکے چلی گئی ہے تو اس نے تیز دھار آلے سے زخم بنا کر ون فائیو پر فائر لگنے کی اطلاع دی تاکہ اس کی بیوی کا دل موم ہو جائے اور وہ واپس آجائے۔
پولیس نے بوگس کال کرنے کے جرم میں علی رضا کو گرفتار کرلیا۔
