سوات: 70 سالہ شخص کا 14 سالہ لڑکی سے نکاح، پولیس نے مقدمہ درج کرلیا
سورس: Representational Image
سوات (ویب ڈیسک) سوات کے علاقے بری کوٹ میں 70 سالہ شخص کا 14 سالہ لڑکی سے نکاح کردیا گیا۔
روزنامہ جنگ کے مطابق
سوات پولیس کے مطابق معمر شخص اور لڑکی کے والد کو حراست میں لے لیا گیا ہے۔
پولیس حکام کے مطابق زیر حراست ملزمان کے خلاف کم عمری کی شادی اور ورغلانے پھسلانے کی دفعات کے تحت مقدمہ درج کرلیا گیا ہے۔
سوات پولیس کے مطابق لڑکی کو میڈیکل بورڈ کے سامنے پیش کردیا گیا، لڑکی کی عمر سکول ریکارڈ میں 14 سال جبکہ طبی لحاظ سے 16 سال تک ہے۔
پولیس حکام کے مطابق نکاح میں ملوث نکاح خواں سمیت گواہان کے خلاف بھی انکوائری جاری ہے۔
