برطانیہ میں رہنے کی خواہشمند لڑکی نے نوکری دینے والے کو کس چیز کی پیشکش کر دی؟ سوشل میڈیا پر ہنگامہ برپا

لندن (ویب ڈیسک) ایک بھارتی خاتون نے برطانیہ میں بغیر تنخواہ کے کام کرنے کی آفر دینے کے بعد آن لائن بحث چھیڑ دی ہے۔

ایکسپریس نیوز کے مطابق لندن میں نوکری کی تلاش کرنے والی بھارتی نوجوان لڑکی سویتھا کوتھنڈن نے لیسٹر یونیورسٹی سے مکینیکل انجینئرنگ میں ایم ایس سی کی ڈگری حاسل کر رکھی ہے لیکن وہ نوکری حاصل نہیں کر پائیں ہیں۔

تاہم 2022 میں گریجویشن کرنے کے بعد طالبہ نے کہا کہ وہ انتھک محنت سے ویزہ کے ذریعے برطانیہ کی نوکری کی تلاش میں تھیں لیکن انہیں ابھی تک کوئی نوکری نہیں ملی۔ اب ملک میں رہنے کی شدید خواہش کے مدِنظر خاتون نے ایک ماہ تک مفت کام کرنے کی پیشکش کی ہے۔

صرف یہی نہیں خاتون نے یہ بھی کہا کہ اگر اس کا آجر ان کے کام سے ناخوش ہوا تو وہ انہیں نوٹس یا معاوضے کے بغیر نوکری سے نکال سکتا ہے۔خاتون نے یہاں تک کہا ہے کہ وہ اوور ٹائم اور ہفتہ وار چھٹیوں کے بغیر بھی کام کرنے پر راضی ہیں تاکہ وہ برطانیہ میں رہ سکیں۔ 

خاتون نے بتایا کہ ’ملازمت کی تلاش‘ ایسا محسوس کراتا ہے کہ میرے میری ڈگری یا میری صلاحیتوں کی کوئی قدر نہیں ہے. میں نے 300 سے زائد ملازمتوں کے لیے درخواست دی ہے اور مجھے کچھ مفید فیڈ بیک نہیں ملے۔