نوازشریف کا پنجاب میں سیاسی سرگرمیاں شروع کرنے کا فیصلہ مگر کب سے ؟ تازہ خبرآگئی
لاہور ( آئی این پی) پاکستان مسلم لیگ (ن) کے صدر و سابق وزیر اعظم محمد نوازشریف نے پنجاب میں سیاسی سرگرمیاں شروع کرنے کا فیصلہ کرلیا، اب پارٹی معاملات کو چلانے کے لیے باقاعدہ دفتر میں بیٹھیں گے۔
نجی ٹی وی نے ذرائع کے حوالے سے بتایا کہ نوازشریف کے لئے ایوان وزیراعلی نوے شاہراہ میں دفتر بنانے کے لئے تیاریاں شروع کردی گئی ہیں۔ نوازشریف سے اب تمام ایم پی ایز، ایم این ایز اور ٹکٹ ہولڈرز سمیت پارٹی ورکرز بھی ملاقاتیں کریں گے۔ پارٹی معاملات چلانے کے لئے مسلم لیگ (ن) کے صدر نوازشریف کو لاہور اتھارٹی فار ہیرٹیج ریوایئول کا سربراہ بنایا گیا ہے ۔
نوازشریف پارٹی رہنمائوں سے ملاقاتیں کرکے نہ صرف ان کے تحفظات کو دور کریں گے۔نواز شریف لندن واپسی کے بعد باقاعدہ روزانہ کی بنیاد پرباقاعدہ پارٹی معاملات چلائیں گے ۔واضح رہے کہ حکومت پنجاب کے ایک خصوصی اجلاس میں لاہور اتھارٹی فار ہیرٹیج ریوایئول قائم کر کے نواز شریف کو اس کا پیٹرن ان چیف بنایا گیا تھا۔
