بنوں دھما کے کے 12 شہداء کے اہلخانہ کو امدادی چیک مل گئے
بنوں ( ڈیلی پاکستان آن لائن )بنوں دھما کے کے 12 شہداء کے اہلخانہ کو امدادی چیک مل گئے۔
تفصیلات کے مطابق ڈپٹی کمشنر بنوں نے بتایا ہے کہ بنوں دھماکےمیں 12شہداء کے اہلِ خانہ کو فی کس 10 لاکھ روپےکےچیک دیئےگئے ہیں۔
"جنگ " کے مطابق ڈپٹی کمشنر عبدالحمید خان نے بتایا ہے کہ دھماکے میں 12 افراد شہید اور 41 زخمی ہوئے تھے۔ شدید زخمیوں کو 3 لاکھ روپے، معمولی زخمی کو 50 ہزار روپے کےچیک دیئے گئے ہیں۔دھماکے میں 50 گھر متاثر ہوئے تھے جنہیں معاوضہ دینے کے لیے سروے کیا جا رہا ہے۔
واضح رہے کہ شہید ہونے والے 12 افراد میں سے 6 کا تعلق ایک ہی گھرانے سے تھا ۔
