مچھلی  کے شکاری داد ا کے ہاتھوں پوتا شکار، گرفتار کرلیاگیا

سانگھڑ (ویب ڈیسک) مچھلی کا شکار کرتے ہوئے دادا کے ہاتھوں گولی لگنے سے اس کا نوجوان پوتا جاں بحق ہوگیا جس کے بعد پولیس نے دادا کو حراست میں لے لیا۔

ایکسپریس نیوز کے مطابق  منگلی تھانے کی حدود میں مہر علی ملاح نامی شکاری جھیل پر مچھلی کا شکارکر رہا تھا کہ اس کی بندوق سے اچانک فائر ہوگیا جس کے نتیجے میں اس کا 12سالہ پوتا محکم علی ملاح پیٹ میں گولی لگنے سے موقع پر ہی ہلاک ہوگیا۔ اطلاع ملنے پر منگلی پولیس پہنچ گئی اور لاش کو سول ہسپتال سانگھڑ منتقل کیا۔

ایس ایچ او منگلی یاسر علی مغل کے مطابق ملزم مہر علی ملاح کو اسلحہ سمیت گرفتار کر لیا گیا جس سے مزید تفتیش جاری ہے۔ بعدازاں پوسٹ مارٹم کے بعد لاش ورثا کے حوالے کر دی گئی۔