چھٹی پر گھر جانے والے ایف سی کے 3 اہلکار اغواء
ٹانک (ڈیلی پاکستان آن لائن )خیبرپختونخوا کے ضلع ٹانک میں تھانہ گومل کی حدود کوٹ اعظم میں چھٹی پر گھر جانے والے ایف سی کے 3 اہلکاروں کو نامعلوم مسلح افراد نے اغواء کرلیا۔
پولیس کے مطابق3 ایف سی اہلکار جوکہ علاقہ سرغر سے چھٹی پر اپنے گھر پرائیویٹ گاڑی میں جارہے تھے کہ کوٹ اعظم کے علاقے میں نامعلوم مسلح افراد نے گاڑی کو روک کر تینوں اہلکاروں کو اتارا اور اپنے ساتھ لے گئے۔ڈی پی او ٹانک عبدالسلام خالد کے مطابق واقعے کی اطلاع ملتے ہی فوری طور پر پولیس اور سیکیورٹی اداروں نے علاقے میں اغوا ءکاروں کے خلاف سرچ آپریشن شروع کردیا ہے۔
