برطانوی بچی سارہ قتل کیس، دادا، 2 چچا سمیت 10 افراد کو گرفتار کر لیا گیا

جہلم (ڈیلی پاکستان آن لائن) برطانوی بچی سارہ قتل کیس میں پولیس نے بچی کے دادا اور 2 چچا سمیت 10 افراد کو گرفتار کر لیا۔

نجی ٹی وی ایکسپریس نیوز کےمطابق سارہ قتل کیس میں اہم پیش رفت سامنے آئی ہے، ڈی پی او جہلم کا کہنا ہے کہ پولیس نے بچی کے دادا اور 2 چچاوں کو حراست میں لے لیا، دیگر 7 افراد کو بھی گرفتار کیا گیا ہے۔

یاد رہے کہ 10 سالہ بچی سارہ کے قتل کا واقعہ گزشتہ ماہ اگست کی 10 تاریخ کو پیش آیا تھا، بچی کی موت کے بعد اس کا باپ ملک عرفان برطانیہ چھوڑ کر پاکستان آیا اور روپوش ہو گیا۔