لیہ: وین اور ٹرک میں تصادم، ایک ہی خاندان کے 7 افراد جاں بحق
لیہ (ڈیلی پاکستان آن لائن) لیہ میں تیز رفتار مسافر وین ٹرک سے ٹکرا گئی، حادثے میں ایک ہی خاندان کے 7 افراد جاں بحق اور 7 شدید زخمی ہوگئے۔
نجی ٹی وی چینل دنیا نیوز کے مطابق ذرائع کا کہنا ہے کہ حادثہ لیہ کی تحصیل چوبارہ میں اڈا حافظ آباد میں پیش آیا،ریسکیو ٹیم نے فوری کارروائی کرتے ہوئے نعشوں اور زخمیوں کو تحصیل ہسپتال منتقل کردیا، جہاں زخمیوں کو طبی امداد دی گئی۔
ذرائع کے مطابق مسافر وین بھکر سے میاں چنوں جا رہی تھی کہ اس کا ٹائی راڈ کھل گیا اور وہ ٹرک سے ٹکرا گئی۔
