ستاروں کی روشنی میں آپ کا آج (منگل) کا دن کیسا رہے گا؟

برج حمل ، سیارہ مریخ، 21 مارچ سے 20 اپریل 
 جو لوگ کسی مشکل میں ہیں۔ اللہ پاک سے بڑی امید ہے کہ وہ آپ کی مشکل کو آسان کر دے گا اور کوئی ایسا راستہ نکال دے گا جس پر چلنا آپ کے لئے بے حد آسان بابرکت ہو گا۔

 برج ثور، سیارہ زہرہ، 21 اپریل سے 20 مئی 
 دوہری شخصیت کے حامل شخص ان دنوں آپ کے بے حد قریب ہے۔ اپنے راز کی حفاظت کریں اور ان دنوں تقریباً ہر معاملے میں حکمت عملی سے کام لینے کی ضرورت رہے گی۔

 برج جوزہ، سیارہ عطارد، 21 مئی سے 20 جون
 آپ کو جس بھی انداز سے چلنے کی عادت تھی۔ اب اس کو بدلنا ہوگا اور کوشش کرنا ہوگی کہ آپ اب حالات کے مطابق قدم اٹھائیں۔ غلط فیصلوں کی گنجائش نہیں ہے۔

برج سرطان، سیارہ چاند، 21 جون سے 20 جولائی
 آپ کے لئے آج کا دن اچھا اور اہم ہے۔ کسی جانب سے رقم ہاتھ میں آنے کی امید ہے اور تنگ کرنے والے اب خود بخود آپ سے دور ہوتے چلے جائیں گے۔

 برج اسد، سیارہ شمس، 21 جولائی سے 21 اگست
 آپ کو پریشان ہونے کی بالکل ضرورت نہیں ہے۔ اس وقت معاملات آپ کے حق میں ہیں۔ آج اللہ کا نام لے کر جس کام میں ہاتھ ڈالیں گے، وہ ان شاءاللہ ہو جائے گا۔

 برج سنبلہ ، سیارہ عطارد، 22 اگست سے 22 ستمبر
 دو راستے آپ کے سامنے ہیں۔ اس کا انتخاب آپ نے کرنا ہے اور اب غلطی کی گنجائش نہیں ہے۔ اس لئے نہایت سوچ سمجھ کر قدم اٹھانے کی اشد ضرورت بھی ہے۔

 برج میزان ، سیارہ زہرہ، 23 ستمبر سے 22 اکتوبر
 ساری عمر جن کو اپنا سمجھتے رہے وہ اب ساتھ چھوڑ رہے ہیں۔ شاید مطلب نکل گیا ہے ان کا۔ بہتر ہے آج سے ہی آپ بھی اپنا راستہ بدل لیں تو نقصان سے بچ جائیں گے۔

 برج عقرب ، سیارہ مریخ، 23 اکتوبر سے 22 نومبر
 آگے چل کر نوکری میں تبدیلی کا امکان پیدا ہو سکتا ہے مگر اس کے اشارے اب ہی محسوس ہو رہے ہوں گے۔ آج گھر میں کسی بات پر مسئلہ ہو سکتا ہے، غصہ کم کریں۔

 برج قوس ، سیارہ مشتری، 23 نومبر سے 20 دسمبر
 صحت کا خانہ نظر بد کی وجہ سے کمزور ہے۔ اس کا صدقہ بھی دیں اور خود کو ان سب سے دور رکھیں جو ماضی میں بھی وجہ پریشانی تھے۔ یہ سمجھ لیں کہ وارننگ ہے۔

 برج جدی ، سیارہ زحل، 21 دسمبر سے 19 جنوری 
 آپ کے ساتھ ایک اچھا معاملہ ہونے کا امکان ہے۔ ممکن ہے کسی جانب سے رقم ہاتھ آ جائے اور وارثتی امور میں بھی بڑی پیش رفت ہو سکتی ہے۔ اہم دن ہے۔

 برج دلو ، سیارہ زحل، 20 جنوری سے 18 فروری 
 اچھا دن ہے۔ اولاد کے حوالے سے بھی اور روزگار کی منصوبہ بندی کے حوالے سے بھی۔ آج آپ اللہ پاک کا نام لے کر اپنے مقصد کی جانب سفر شروع کردیں، باقی اللہ مالک ہے۔

 برج حوت ، سیارہ مشتری، 19 فروری سے 20 مارچ
 کسی بھی نئے معاملے کی ابتداءکے لئے مناسب وقت ہے۔ بسم اللہ کریں اور جائیداد کے امور میں فائدہ دکھائی دے رہا ہے۔ آج دوپہر کے بعد ہی صورت حال آپ کے حق میں ہوگی۔