باجوڑ میں پولیو ٹیم پر نا معلوم افراد کی فائرنگ، پولیس اہلکار اور ایک ورکر جاں بحق
باجوڑ(ڈیلی پاکستان آن لائن )خیبر پختونخوا کے ضلع باجوڑ میں پولیو ٹیم پر فائرنگ سے ایک پولیس اہلکار اور پولیو ورکر جاں بحق ہوگیا۔
"ڈان نیوز" کے مطابق فائرنگ کا واقعہ باجوڑ کے علاقے سلارزئی میں پیش آیا، پولیس کا کہنا تھا کہ سلارزئی میں پولیو ٹیم پر نامعلوم افراد کی جانب سے فائرنگ کی گئی۔
واقعے میں جاں بحق ہونے والوں کی میتوں کو ہیڈ کوارٹرز ہسپتال منتقل کر دیا گیا ہے۔
پولیس کے مطابق ملزمان کی گرفتاری کے لئے علاقے میں سرچ آپریشن جاری ہے۔
