پسند کی دلہن لینے کیلئے باراتیوں کیساتھ پہنچنے والے دولہا کو سسرالیوں نے حوالات پہنچا دیا
بہاولنگر (ویب ڈیسک) اپنی پسند کی دلہن لینے کے لیے بارات کیساتھ پہنچنے والے دولہا کو سسرال نے حوالات پہنچا دیا۔
دنیا نیوز کے مطابق جڑانوالہ کا رہائیشی نوجوان بارات لے کر چک نمبر 46 فتح پہنچا تو سسرالیوں نے دولہا کو گرفتار کروا دیا ، سسرالیوں نے نوجوان کے خلاف پہلے ہی مقدمہ درج کروا رکھا تھا۔پولیس حکام کے مطابق گزشتہ دنوں نوجوان لڑکی کو اغوا کر کے لے گیا تھا اور پھرشادی کیلئے راضی ہونے کے بعد لڑکی صلح کے ذریعے واپس آ گئی، سسرالیوں نے نوجوان کو بارات لا کر رخصتی کے لیئے کہا تھا۔
جب دولہا بارات لے آیا تو سیدھا حوالات میں ہی پہنچ گیا ، بارات کو خالی ہاتھ واپس لوٹنا پڑا جبکہ دولہا حوالات میں موجود ہے۔
