منڈی بہاؤالدین میں بارات کے شادی ہال پہنچنے پر ہیلی کاپٹر کی بھی انٹری ، ایسی چیز پھینکی کہ دیکھ کر باراتی بھی دنگ رہ گئے

منڈی بہائوالدین (ویب ڈیسک) پھالیہ روڈ پر  شادی کی انوکھی تقریب میں باراتیوں پر ہیلی کاپٹر سے نوٹ اور پھولوں کی پتیاں نچھاور کی گئیں، دولہا رانا ابرار کی شادی کیلئے بیرون ملک سے آئے بھائیوں نے دل کھول کر پیسہ اڑایا، بارات نواحی گائوں ہریہ سے پھالیہ  روڈ پہنچی تھی ۔ 

عینی شاہدین کے مطابق بارات جب میرج ہال کی حدود میں پہنچی تو ہیلی کاپٹر نے بھی انٹری دیدی اور اس سے گرتے پھول اور کاغذ نما چیزیں دیکھ کر بارات بھی حیران رہ گئے ، جب یہ چیزیں زمین کے قریب پہنچیں تو انکشاف ہوا کہ پھولوں کے ساتھ ساتھ کرنسی نوٹ نچھاور کیے جارہے ہیں۔  بتایا گیا ہے کہ دولہا کے پانچ بھائی اٹلی میں مقیم ہیں۔ 

بتایا گیا ہے کہ کرنسی نوٹ اور پھول نچھاور کرنے کے لیے ہیلی کاپٹر کا خاص طور پر انتظام کیا تھا اور یہ اسلام آباد سے 18 لاکھ روپے  کرایہ پر حاصل کیا گیا۔بعدازاں ہیلی کاپٹر بھی شادی ہال کے قریبی گرائونڈ میں لیںڈ کرگیا۔