رجب بٹ کوپولیس نے گرفتارکرلیا
لاہور (ویب ڈیسک) معروف ٹک ٹاکر اوریوٹیوبررجب بٹ کو پولیس نے گرفتار کرلیا ۔
اب تک کی دستیاب معلومات کے مطابق لائسنس کے بغیرشیر کا بچہ رکھنے اور اسلحہ رکھنے پر رجب بٹ کو چوہنگ پولیس نے محکمہ وائلڈ لائف کی ٹیم کے ہمراہ چھاپہ مارکارروائی کے دوران گھر سے گرفتارکیا اور تھانے کی حوالات میں منتقل کردیا۔
ذرائع کا یہ بھی کہنا ہے کہ رجب بٹ سے غیر قانونی کلاشنکوف بھی برآمد ہوئی، ملزم کے خلاف ناجائز کلاشنکوف رکھنے کا مقدمہ درج کرلیا گیا۔
یادرہے کہ حال ہی میں رجب بٹ کی شادی ہوئی ہے اور اس موقع پربھی انہیں شیرکا بچہ اٹھائے دیکھا گیا تھا، شادی کے تمام فنکشنز میں لوگوں پر پیسے پھینکنے پر ان پر تنقید بھی کی گئی۔
سوشل میڈیا پرموجود کچھ اطلاعات کے مطابق رجب بٹ کو شیر کا یہ بچہ تحفے میں ملا تھا جس کی تصاویر دیکھنے کے بعد وائلڈ لائف حکام حرکت میں آئے اور اب پولیس کے ہمراہ نجی سوسائٹی میں چھاپہ مارا اور پھر رجب کو پولیس کی تحویل میں دے دیا۔
