ڈیرہ مراد جمالی؛کرنٹ لگنے سے 5افراد جاں بحق

ڈیرہ مراد جمالی(ڈیلی پاکستان آن لائن) بلوچستان کے علاقے ڈیرہ مراد جمالی میں کرنٹ لگنے سے 5افراد جاں بحق ہو گئے۔

نجی ٹی وی چینل دنیا نیوز کے مطابق ڈیرہ مراد جمالی میں افسوسناک واقعہ پیش آیا ہے جہاں کرنٹ لگنے سے 5افراد جاں بحق ہو گئے،مرنے والوں میں ایک ہی خاندان کے 4افراد شامل ہیں،جاں بحق  ہونیوالوں میں عبدالحئی شیخ،ان کی بیوی  اور 2حافظ قرآن بیٹے  شامل ہیں، ان کے علاوہ ایک 60سالہ شخص بھی کرنٹ لگنے سے جاں بحق ہوا،5افراد کی ہلاکت کی خبر آگ کی طرح پورے علاقے میں پھیل گیا، واقعے پر ہر شخص  افسردہ ہے۔