کسانوں کو ترقی اور خوشحالی کی راہ پر گامزن کررہے ہیں: وزیر اعلیٰ پنجاب
لاہور ( ڈیلی پاکستان آن لائن) وزیرِ اعلیٰ پنجاب مریم نواز نے کسانوں کے قومی دن پر پیغام جاری کیا ہے ۔اپنے پیغام میں وزیر اعلیٰ مریم نواز نےکسان بھائیوں کومحنت کشوں کو خراجِ تحسین پیش کرتے ہوئے کہا ہے کہ کسان دن رات زمین کے سینے سے اناج اگا کرہماری غذائی ضروریات پوری کرتے ہیں۔کسان کی ترقی اور آسانی کے لیے حکومتِ پنجاب زراعت کے شعبے کو میکنا ئیز کر رہی ہےکسانوں کی خوشحالی کے لیے کسان کارڈکا اجرا کیا ہے -
وزیر اعلیٰ کا کہنا تھا کہ کا شکاروں کوپیداواری قرضے دئیے جا رہے ہیں۔ کاشتکار،کسان کارڈ سے اربوں روپے کےکھاد، بیج اور دیگر زرعی مداخل خرید چکاہے،زرعی میکنائزیشن کے ذریعے کسانوں کو ترقی اور خوشحالی کی راہ پر گامزن کررہے ہیں،کسان کو بلا سود آسان اقساط پر گرین ٹریکٹرز فراہم کیے جا رہےہیں - زرعی ٹیوب ویلز کو شمسی توانائی پر منتقل کرنے کے پراجیکٹ پر کام تیزی سے جاری ہے -لائیو سٹاک کارڈ کے ذریعے مویشی پال فارمرزکو ویکسین، علاج اور چارہ مہیا کیا جا رہا ہے، زراعت، مویشی بانی، اور دیہی معیشت کو نئی بلندیوں پر لے جائیں گے ۔
