سیکیورٹی فورسز کا پشین میں آپریشن، 5 خوارج گرفتار
پشین ( ڈیلی پاکستان آن لائن )سیکیورٹی فورسز نے پشین میں آپریشن کر کے 5 خوارج دہشت گردوں کو گرفتار کر لیا۔
انٹر سروسز پبلک ریلیشنز (آئی ایس پی آر) کے مطابق بھاری مقدار میں اسلحہ، گولہ بارود اور دھماکا خیز مواد قبضے میں لے لیا گیا ہے۔
آئی ایس پی آر کا کہنا ہے کہ 3 خود کش جیکٹس بھی قبضے میں لے لی گئی ہیں۔
آئی ایس پی آر نے کہا کہ گرفتار خوارج متعدد دہشت گرد حملوں میں ملوث تھے، یہ سیکیورٹی فورسز، معصوم شہریوں کو نشانہ بنانے کی منصوبہ بندی کر رہے تھے۔
