محمد نواز آسٹریلیا کے خلاف ون ڈے اور ٹی ٹوئنٹی سیریز سے باہر ، ان کی جگہ کس کھلاڑی نے لی ؟
لاہور(ڈیلی پاکستان آن لائن) پاکستان اور آسٹریلیا کے مابین وائٹ بال سیریز کے لیے محمد نواز کی جگہ زاہد محمود کو اسکوڈ میں شامل کرلیا گیا۔پاکستان کرکٹ بورڈ (پی سی بی) کے مطابق محمد نواز کی جگہ زاہد محمود کو آسٹریلیا کے خلاف 3 ون ڈے اور ایک ٹی20 انٹرنیشنل میچز کے لیے قومی اسکواڈ میں شامل کیا گیا ہے۔بورڈ کا کہنا ہے کہ محمد نواز پاکستان سپر لیگ (پی ایس ایل) کے ساتویں ایڈیشن میں پاؤں کی انجری کا شکار ہوئے تھے جس سے وہ اب تک مکمل نجات حاصل نہیں کرسکے ہیں۔
