بدن کا بوجھ لیے، روح کا عذاب  لیے | ثروت حسین |

بدن کا بوجھ لیے، روح کا عذاب  لیے
کدھر کو جاؤں طبیعت کا اضطراب لیے

یہی امید کہ شاید ہو کوئی چشم براہ
چراغ دل میں لیے، ہاتھ میں گلاب لیے

عجب نہیں کہ مری طرح یہ اکیلی رات
کسی کو ڈھونڈنے نکلی ہو ماہتاب لیے

سوا ہے شب کے اندھیروںسے دن کی تاریکی
گئے وہ دن جو نکلتے تھے آفتاب لیے

کسی کے شہر میں مانندِ برگِ آوارہ
پھرے ہےں کوچہ بہ کوچہ ہم اپنے خواب لیے

کہاں چلے ہو خیالوں کے شہر میں ثروت
گئے دِنوں کی شکستہ سی یہ کتاب لیے

شاعر:ثروت حسین

(کلیاتِ ثروت حسین)

Badan   Ka   Bojh   Liay  ,  Rooh   Ka    Azaab   Liay

Kidhar   Ko   Jaaun   Tabeat    Ka    Iztraab   Liay

Yahi    Umeed    Keh    Shaayad    Ho    Koi    Chashm-  e  -Barah

Charaagh    Dil   Men   Liay ,   Haath   Men   Gulaab   Liay

Ajab    Nahen   Keh    Miri   Trah   Yeh   Akaili   Raat

Kisi   Ko   Dhoondnay   Nikli   Ho   Maahtaab   Liay

Siwaa   Hay    Shab    K    Andhairon   Say   Din    Ki   Tareeki

Gaey   Wo   Din   Jo   Nikaltay    Thay    Aaftaab   Liay

Kisi   K   Shehr    Men    Manind  -e  -Barg  -e  -Aawaara

Phiray    Hen    Koocha   Ba    Koocha   Ham   Apnay    Khaab   Liay

Kahan   Chalay   Ho   Khayalon   K   Shehr   Men   SARWAT

Gaey   Dino   Ki    Shakista   Si   Yeh   Kitaab   Liay

Poet: Sarwart   Hussain