کوہستان: فائرنگ سے لڑکا اورلڑکی قتل، لڑکی کے والد اور دو بھائیوں پر قتل کا مقدمہ درج
کوہستان (ڈیلی پاکستان آن لائن )خیبر پختونخوا کے ضلع کولئی پالس کوہستان میں لڑکا اورلڑکی کو فائرنگ کرکے قتل کردیا گیا۔
نجی ٹی وی جیونیوز کے مطابق پولیس نے بتایاکہ فائرنگ کا واقعہ گاو¿ں چیرگئی برپارو میں پیش آیا جہاں لڑکا اور لڑکی کو فائرنگ سے ہلاک کیا گیا ہے۔پولیس کا کہناہے کہ لڑکی کے والد اور دو بھائیوں پر قتل کا مقدمہ درج کرلیا گیا اور مقتولین کی لاشیں پوسٹ مارٹم کے لئے تحصیل ہیڈ کوارٹر ہسپتال پٹن منتقل کردی گئی ہیں۔
پولیس کے مطابق قتل کی واردات کے بعد ملزمان فرار ہوگئے جن کی تلاش کے لئے چھاپے مارے جارہے ہیں۔
