پاکستان کے اہم شہر میں دھماکہ، چار افراد جاں بحق

کوہاٹ (ڈیلی پاکستان آن لائن) گلو تنگی میں مارٹر گولہ پھٹنے سے چار افراد جاں بحق ہوگئے۔ پولیس کے مطابق دھماکہ خانہ بدوشوں کی جھونپڑی میں ہوا جس کے بعد  بم ڈسپوزل سکواڈ طلب کرلیا گیا ہے۔ واقعے میں ایک بچہ زخمی بھی ہوا ہے۔ نجی ٹی وی جیو نیوز کے مطابق  پولیس نے زخمی بچے  اور جاں بحق افراد کی لاشوں کو ضلعی ہسپتال کوہاٹ منتقل کردیا ہے۔ واقعے کی مزید تحقیقات کی جا رہی ہیں۔ دھماکے میں جاں بحق ہونے والوں کا تعلق خیبر پختونخوا کے ضلع مانسہرہ سے ہے اور وہ چرواہے ہیں۔