کالج آف فزیشنز اینڈ سرجنز پاکستان کا 58 واں کانووکیشن ،وفاقی ٹیکس محتسب ڈاکٹر آصف محمود جاہ کو فیلو شپ کی ڈگری سے نوازا گیا

کوئٹہ ( ڈیلی پاکستان آن لائن) کالج آف فزیشنز اینڈ سرجنز پاکستان کے 58 ویں کانووکیشن کی تقریب کوئٹہ میں منعقد ہوئی جس میں 104 ڈاکٹرز کو ایف سی پی ایس اور ایم بی بی ایس سی کی ڈگریاں دی گئیں۔ سی پی ایس پی کے صدر پروفیسر ڈاکٹر خالد مسعود گوندل نے تقریب کے مہمان خصوصی وفاقی ٹیکس محتسب ڈاکٹر آصف محمود جاہ کو ان کی پیشہ ورانہ اور سماجی خدمات کے اعتراف میں انہیں فیلو شپ کی ڈگری سے بھی نوازا۔
اس موقع پر ڈاکٹر آ صف محمود جاہ نے میڈیکل گریجویٹس کو مبارکباد دیتے ہوئے کہا کہ بلوچستان کے بیٹے اور بیٹیاں اس دھرتی کے وارث ہیں اور انھوں نے ہی اپنے صوبے کے لیے کام کر نا ہے،سال 2022 میں سیلاب اور دیگر آفات میں بلوچستان کے متاثرین کی خدمت کی تھی۔اس تقریب میں قائم مقام گورنر بلوچستان عبد الخالق اچکزئی ،صوبائی وزیر صحت بخت کاکڑ سمیت صوبائی وزراء اور ارکان اسمبلی بھی شریک تھے۔