آنکھ سورج ہے جسم سایا ہے | جاذب قریشی |
آنکھ سورج ہے جسم سایا ہے
اک مسافر سفر سے آیا ہے
اُس نے ترکِ سفر کیا اور پھر
راستہ میرے گھر تک آیا ہے
میں ہوں تنہا مرے تعاقب میں
ایک سورج ہے ایک سایا ہے
گھر کی دہلیز پر ہے دستک سی
اس اندھیرے میں کون آیا ہے
پتھروں میں ہے روشنی میری
بارشوں نے مجھے جلایا ہے
دھوپ سے دھوپ تک سفر کرنا
طائروں نے مجھے سکھایاہے
شاعر:جاذب قریشی
(شعری مجموعہ: شیشے کا گھر؛سال اشاعت،1991)
Aankh Sooraj Hay Jism Saaya Hay
Ik Musaafir Safar Say Aaya Hay
Uss Nay Tark-e- Safar Kiya Aor Phir
Raasta Meray Ghar Tak Aaya Hay
Main Hun Tanhaa Miray Taaqub Men
Aik Sooraj Hay Aik Saaya Hay
Ghar Ki Daihleez Par Hay Dastak Si
Iss Andhairay Men Kon Aaya Hay
Patharon Men Hay Roshani Meri
Baarshon Nay Mujha Jalaaya Hay
Dhoop Say Dhoop Tak Safar Karna
Taairon Nay Mujhay Sikhaaya Hay
Poet: Jazib Quraishi