جناح ہسپتال کراچی میں ینگ ڈاکٹرز آپس میں لڑ پڑے
کراچی(ڈیلی پاکستان آن لائن)جناح ہسپتال کراچی میں ینگ ڈاکٹرز کے دو گروپوں کے درمیان جھگڑے ہوگیا۔ پولیس کی بھاری نفری نے موقع پر پہنچ کر مداخلت کی اور حالات پر قابو پایا۔
نجی ٹی وی چینل آج نیوز کے مطابق پولیس ذرائع کا کہنا ہے کہ جھگڑے کے بعد چند ڈاکٹرز کو حراست میں لے کر تھانے منتقل کیا گیا ہے تاکہ مزید تفتیش کی جا سکے۔ کشیدہ صورتحال کے باعث ہسپتال کی او پی ڈیز زبردستی کھلوائی گئیں، تاہم بیشتر ڈاکٹرز نے ڈیوٹی پر واپس آنے سے گریز کیا۔
ہسپتال میں موجود مریض اور ان کے تیماردار شدید پریشانی کا شکار رہے اور طویل وقت تک ڈاکٹرز کے انتظار میں بیٹھے رہے۔
پولیس کا کہنا ہے کہ معاملے کی مکمل چھان بین کی جا رہی ہے اور امن و امان کو یقینی بنانے کے لیے ہسپتال میں سیکیورٹی سخت کر دی گئی ہے۔
