پنجاب یونیورسٹی کے وائس چانسلر کا ایک اور بڑا ایکشن
لاہور ( ڈیلی پاکستان آن لائن )پنجاب یونیورسٹی کے وائس چانسلر ڈاکٹر محمد علی کا ایک اور بڑا ایکشن،اولڈ کیمپس کی 50 سال سے زیر قبضہ زمین واگزار کرا لی۔
تفصیلات کے مطابق انار کلی کے ساتھ متصل اڑھائی کینال اراضی پر ملازمین نے 50 سال سے قبضہ کر رکھا تھا،زیر قبضہ اراضی پر ملازمین کے 13 خاندانوں کی آباد کاری تھی۔ترجمان جامعہ کے مطابق زیر قبضہ یونیورسٹی اراضی کی مالیت 6 ارب روپےسے زائد ہے، وائس چانسلر ڈاکٹر محمد علی نے اولڈ کیمپس کی قیمتی ترین اراضی پر ناجائز قبضے کا نوٹس لیا اوراولڈ کیمپس کی 50 سال سے زیر قبضہ زمین واگزار کرا لی۔
ترجمان جامعہ نے مزید بتایا کہ ناجائز قابضین 6 ارب روپے مالیت کی زمین پر بغیر کرایہ ادا کیے رہ رہے تھے، ناجائز قابضین پانی اور گیس بھی مفت استعمال کرتے رہے۔وائس چانسلر ڈاکٹر محمد علی کے حکم پر نیو کیمپس کی پرائم 24 کنال زمین پر 70 سال سے ناجائز قبضہ بھی حال ہی میں واگزار کرایا گیا ہے۔
