ٹیرف جنگ ، ڈونلڈ ٹرمپ کا چینی ہم منصب سے رابطہ

بیجنگ(ڈیلی پاکستان آن لائن)امریکی صدر ڈونلڈ ٹرمپ نے چینی صدر سے ٹیلی فونک رابطے کا دعویٰ  کیا ہے ۔خبرایجنسی کے مطابق امریکی صدر ڈونلڈ ٹرمپ کا کہنا تھا کہ چینی صدر نے مجھے فون کیا، چین کے ساتھ مذاکرات پر اچھی پیش رفت ہو رہی ہے۔

گزشتہ روز چین نے امریکہ کے ساتھ مذاکرات کی تردید کی تھی ،چینی وزارت خارجہ نے کہا تھا کہ امریکا کے ساتھ فی الحال کوئی مذاکرات نہیں ہو رہے۔قبل ازیں امریکی صدر ڈونلڈ ٹرمپ نے چین کیساتھ ٹیرف کے معاملے پر یوٹرن لیتے ہوئے کہا تھا  کہ چین کے ساتھ معاہدہ کر لیں گے۔اپنے بیان میں ڈونلڈ ٹرمپ کا کہنا تھا کہ چین کے ساتھ ڈیلنگ بہت اچھی کرنے جا رہے ہیں ، چین کو معاہدہ کرنا ہی پڑے گا، چین نے معاہدہ نہیں کیا تو ہم ڈیل طے کریں گے۔