وزیراعلیٰ کے گاڑی پر جی ٹی روڈ پر مختلف شہروں کے اچانک دورے،صفائی کی مجموعی صورتحال کا مشاہدہ کیا

 لاہور ( ڈیلی پاکستان آن لائن )وزیراعلیٰ پنجاب مریم نواز  نے گاڑی پر جی ٹی روڈ پر مختلف شہروں کے اچانک دورے کیے-وزیراعلیٰ مریم نواز  نے سمبڑیال،وزیرآباد،سیالکوٹ،گھکڑ منڈی اور دیگر شہروں میں صفائی کی مجموعی صورتحال کا مشاہدہ کیا-وزیراعلیٰ مریم نواز  نے ''ستھرا پنجاب '' کے تحت شہروں میں صفائی کا جائزہ لیا-

وزیراعلیٰ مریم نواز  نے روڈز کی عمومی صورت حال کا معائنہ کیا -وزیراعلیٰ  نے تجاوزات کے خاتمے کے اقدامات کا مشاہدہ کیا -وزیراعلیٰ  نے ''ستھرا پنجاب '' کے تحت صفائی ستھرائی میں بہتر صورتحال کو سراہا اور متعلقہ محکموں کو صفائی ستھرائی میں مزید بہتری کی ہدایت کی-

 وزیراعلیٰ مریم نواز نے کہاکہ شہروں اور دیہات میں صفائی حکومت کی ذمہ داری ہے۔ گلی محلوں اور بازاروں کو صاف ستھرا رکھنے میں شہری حکومت کی معاونت کریں۔