وزیراعلیٰ مریم نواز  سے رکن صوبائی اسمبلی ملک نوشیر خان انجم لنگڑیال کی ملاقات

لاہور ( ڈیلی پاکستان آن لائن )وزیراعلیٰ پنجاب مریم نواز  سے رکن صوبائی اسمبلی ملک نوشیر خان انجم لنگڑیال نے ملاقات کی، ملاقات میں وزیراعلیٰ کے عوام دوست اقدامات کو خراج تحسین پیش کیاگیا-رکن صوبائی اسمبلی ملک نوشیر خان انجم لنگڑیال نے ملتان وہاڑی روڈ پراجیکٹ کے آغاز پر وزیراعلیٰ  کا شکریہ ادا کیا-

وزیراعلیٰ مریم نواز نے اس موقع پر گفتگو کرتے ہوئے کہاکہ مسلم لیگ (ن)نے ہر دور میں عوام کے لیے بہت سے پراجیکٹس شروع کیے۔ حکومت پنجاب کے موثر اور پائیدار اقدامات کی بدولت کسان کیلئے ترقی وخوشحالی کے راستے کھل رہے ہیں۔ مریضوں کو مفت ادویات کی فراہمی کا وعدہ ہر صورت پورا کیا جائے گا۔

ملک نوشیر خان انجم لنگڑیال نے کہاکہ ملتان وہاڑی روڈ کی تکمیل سے 4 اضلاع میں بسنے والے لاکھوں عوام مستفید ہونگے۔حکومت پنجاب کے ہر پراجیکٹ کی تکمیل سے عوامی مسائل حل ہوں گے۔وزیراعلیٰ  کا پنجاب کو فلاحی ریاست میں تبدیل کرنے کا عزم قابل تحسین ہے۔وزیراعلیٰ کی طرف سے ویٹ فارمر سپورٹ پروگرام شاندار اقدام ہے۔