دلجیت کے کنسرٹ میں مداح نے گرل فرینڈ کو پرپوز کر دیا
ممبئی (ویب ڈیسک) دلجیت دوسانجھ نے بیک گراؤنڈ میں اپنا رومانوی گانا گا کر اس لمحے کو یادگار بنادیا ۔
ہنگامہ ایکسپریس کے مطابق پونے میں ہونے والے کنسرٹ میں جہاں کی شام ایک رومانوی موڑ لے آئی جب ایک شخص نے اسٹیج پر اپنی گرل فرینڈ کو پرپوز کیا، اور ہر کسی کو خوشگوار حیرت میں ڈال دیا۔ اس لمحے کی ویڈیو نے انٹرنیٹ پر دھوم مچا دی ہے۔
دلجیت دوسانجھ کی ٹیم کے آفیشل انسٹاگرام ہینڈل پر یہ ویڈیو پوسٹ کی گئی، ویڈیو میں دیکھا جا سکتا ہے کہ ایک شخص اپنی محبوبہ کو پرپوز کرنے کے لیے گھٹنے کے بل بیٹھ گیا اور اپنی گرل فرینڈ کو انگوٹھی پہنائی، اس کے ہاتھ کو چوما، اور اسے گلے لگا لیا۔
اس دوران سٹیج پر موجود دلجیت دوسانجھ نے بیک گراؤنڈ میں اپنا رومانوی گانا گا کر اس لمحے کو یادگار بنادیا ۔پرپوزل کے بعد مداح نے پنجابی اسٹار سے مصافحہ کیا اور دلجیت نے مجمع سے زور دار تالیاں بجانے کی درخواست کی۔
پرپوز کرنے والے شخص نے انکشاف کیا کہ وہ 13 سال سے ایک دوسرے کے ساتھ تعلقات میں ہیں ، اور تقریباً 13 سال ہی انہوں نے اس دن کا انتظار کیا ہے۔دلجیت نے جوڑے کیلئے اپنی نیک خواہشات کا اظہار کیا اور مذاق میں خاتون سے کہا کہ اگر اس کا بوائے فرینڈ کبھی اس سے لڑے تو وہ انہیں فوراً فون کرلے۔
اس پوسٹ کے شیئر ہوتے ہی کئی مداحوں نے اس Dreamy پرپوزل پر خوشی کا اظہار کیا۔ ایک مداح نے لکھا کہ ’یہ کتنا خوبصورت لمحہ، میں تو رو دیتی، کسی نے تو دلجیت کے کنسرٹ کو میرج بیورو سے ہی تشبیہ دے ڈالی۔
خیال رہے کہ دلجیت نے اپنی دل-لومیناٹی ٹور کا آغاز دہلی کے ایک بڑے شو سے کیا، اس کے بعد جے پور اور حیدرآباد میں پرفارم کیا۔
انہوں نے احمد آباد، لکھنؤ، اور پونے میں پرفارم کیا۔ ان کے اس ٹور کی لائن اپ میں کولکتہ، بنگلور، اندور، چندی گڑھ، اور گوہاٹی شامل ہیں۔ حال ہی میں انہوں نے ممبئی کو بھی اپنی فہرست میں شامل کیا ہے۔
