بھکر میں بس اور کار کی ٹکر ،ایک ہی خاندان کے 4 افراد جاں بحق

بھکر (ڈیلی پاکستان آن لائن) بھکر میں بس کی کار کو ٹکر کے نتیجے میں ایک ہی خاندان کے 4 افراد جاں بحق ہو گئے۔ دنیا نیوز کے مطابق حادثہ بھکر شہر میں واقع چاندنی چوک میں پیش آیا جہاں تیز رفتار بس نے کار کو ٹکر مار دی، حادثے میں 4 افراد جاں بحق ہو گئے، پولیس نے حادثے کی تحقیقات شروع کر دیں۔ قبل ازیں آج بلوچستان کے علاقے لسبیلہ میں بھی حادثہ پیش آیا جس میں مسافر کوچ کھائی میں جا گری، حادثے میں 40 افراد جاں بحق جبکہ متعدد زخمی ہیں۔ مذکورہ حادثہ تیز رفتاری کے سبب پیش آیا۔