بھارت سے نایاب نسل کا سامبر ہرن پاکستان میں داخل
شکرگڑھ(ڈیلی پاکستان آن لائن)شکر گڑھ کے قریب بھارت سے نایاب نسل کا سامبر ہرن پاکستان میں داخل ہوگیا۔
نجی ٹی وی سما نیوز رپورٹ کے مطابق شکر گڑھ کے سرحدی گاؤں ڈوگرہ میں بھارت سے نایاب نسل کا سامبر ہرن داخل ہوگی، جسے گاؤں کے لوگوں نے پکڑ لیا۔رپورٹ کے مطابق نایاب سامبر ہرن کا وزن 100 کلو سے اوپر بتایا جارہا ہے، محکمہ وائلڈ لائف اور دیگر ادارے سرحدی گاؤں طرف روانہ ہوگئے۔
واضح رہے کہ کچھ عرصہ قبل بھی ایک نایاب کالا ہرن بھارت سے پاکستان میں داخل ہوا تھا۔
