پنجگور میں مسلح افراد کی فائرنگ ،5 افراد جاں بحق

کوئٹہ (ڈیلی پاکستان آن لائن )بلوچستان کے ضلع پنجگور کی تحصیل پروم میں مسلح افراد کی فائرنگ سے 5 افراد جاں بحق اور ایک زخمی ہوگیا۔
ڈان نیوز کے مطابق پنجگور کی تحصیل پروم میں نامعلوم مسلح افراد کی جانب سے حملہ کیا گیا، مسلح افراد نے کمپنی مشینری کو آگ لگانے کے بعد فائرنگ بھی کی۔
نامعلوم افراد کی جانب سے فائرنگ کے نتیجے میں 5 افراد جاں بحق اور ایک زخمی ہوگیا، ضلعی انتظامی حکام کے مطابق جاں بحق افراد کی لاشوں اور زخمی شخص کو ٹیچنگ ہسپتال منتقل کردیا گیا۔
ضلعی انتظامیہ کے مطابق جاں بحق اور زخمی افراد تعمیراتی کمپنی کے کیمپ میں سکیورٹی پرمامور تھے جبکہ مسلح افراد نے کمپنی کی مشینری کو بھی نذر آتش کردیا۔