ٹریفک حادثے میں سابق رکن اسمبلی میاں گل عدنان اورنگزیب جاں بحق
ہری پور (ویب ڈیسک) ہری پور میں ٹریفک حادثے میں سابق ممبر قومی اسمبلی میاں گل عدنان اورنگزیب جاں بحق ہوگئے۔خاندانی ذرائع نے میاں گل عدنان اورنگزیب کے ٹریفک حادثے میں انتقال کی تصدیق کی ہے۔
جیو نیوز نے ذرائع کے حوالے سے بتایا کہ میاں گل عدنان اورنگزیب ہزارہ یونیورسٹی سے واپس سوات جارہے تھےکہ راستے میں ان کی گاڑی حادثے کا شکار ہوئی جس کے نتیجے میں وہ جاں بحق ہوگئے۔
وزیراعلی خیبر پختونخوا @IMMahmoodKhan کا ٹریفک حادثے میں شہزادہ میاں گل عدنان اورنگزیب کے انتقال پر اظہار افسوس۔
— CM KP Updates (@CMKPUpdates) May 30, 2022
وزیر اعلی کا سوگوار خاندان سے دلی ہمدردی اور تعزیت کا اظہار۔
وزیر اعلی کا مرحوم کی مغفرت اور پسماندگان کے لئے صبر جمیل کی دعا۔ pic.twitter.com/YemPV5HpuG
وزیراعلیٰ خیبر پختونخوا محمودخان نے میاں گل عدنان اورنگزیب کے انتقال پر اظہار افسوس کرتے ہوئےکہا ہےکہ وہ اہل خانہ کے غم میں برابرکے شریک ہیں۔
خیال رہےکہ میاں گل عدنان اورنگزیب سابق والی سوات کے پوتے اور سابق فوجی حکمران جنرل ایوب خان کے نواسے تھے، اس کے علاوہ وہ سابق گورنر خیبر پختونخوا اور بلوچستان میاں گل اورنگزیب ولی عہد کے صاحب زادے اور اسلام آباد ہائی کورٹ کے جسٹس میاں حسن گل کے بڑے بھائی تھے، وہ سوات کے شاہی خاندان کے سربراہ بھی تھے۔