شہر میں موسلادھار بارش ،سڑکیں پانی سے بھر گئیں،بیشتر علاقوں میں بجلی غائب
لاہور(مانیٹرنگ ڈیسک)صوبائی دارالحکومت میں دوپہر کے وقت موسلادھار بارش ہوئی جس کے نتیجے میں شہر کی بڑی شاہرائیں پانی سے بھر گئیں۔ بارش سے لیسکو کے 40 سے زائد فیڈر ٹرپ کر گئے جس سے شہر کا بڑا حصہ بجلی سے محروم ہو گیا۔شہریوں کو سخت دشواری کا سامنا کرنا پڑا،تاہم زیادہ تر لوگ لوڈشیڈنگ کے باوجود خوشگوار موسم کا مزہ لیتے رہے ۔
