ہمارا سر کٹ تو سکتا ہے لیکن کسی دہشتگرد کے سامنے جھک نہیں سکتا،بلاول بھٹو

خضدار(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو زرداری کاکہنا ہے کہ ہمارا سر کٹ تو سکتا ہے لیکن کسی دہشتگرد کے سامنے جھک نہیں سکتا،نہ صرف دہشتگردوں کا مقابلہ کروں گا بلکہ لاپتہ افراد کے مسائل کا حل بھی نکالوں گا، وزیراعظم، وزیراعلیٰ بلوچستان جیالا بنتا ہے تو ان کی سازشیں ناکام ہو جائیں گی۔

خضدار میں پیپلزپارٹی کے انتخابی جلسے سے خطاب کرتے ہوئے بلاول بھٹو زرداری نے کہاکہ میرے بلوچ بہن بھائی بہت دکھ اور تکلیف سے گزر رہے ہیں،میں بلوچستان کے عوام کے مسائل جانتا ہوں،ان کاکہناتھا کہ اگر میں لاہور سے الیکشن لڑ رہا ہوں تو آپ کا نمائندہ بن کر الیکشن لڑ رہا ہوں، بلوچستان سے ہمارا 3نسلوں کا رشتہ ہے،وہ سمجھتے ہیں بلاول کوئی بچہ ہے خوفزدہ ہو جائے گا، یہ انکی بھول ہے،8فروری کو بلوچستان میں تیروں کی بارش ہوگی۔