ٹوبہ ٹیک سنگھ میں ڈاکوؤں کا پورا گینگ پکڑا گیا، نقدی سمیت لوٹا مال برآمد
ٹوبہ ٹیک سنگھ (ڈیلی پاکستان آن لائن) ٹوبہ ٹیک سنگھ میں پولیس نے ڈاکوؤں کا پورا گینگ پکڑ لیا اور نقدی سمیت لوٹا مال برآمد کر لیا۔
نجی ٹی وی ڈان نیوز کے مطابق پولیس نے اطلاع ملنے پر کارروائی کی اور بدنام زمانہ ڈاکووں کا گروہ گرفتار کر لیا جس میں 6 ڈاکو شامل ہیں۔
پولیس نے ڈاکووں کے قبضے میں موجود 14 لاکھ روپے کی رقم سمیت لوٹا ہوا دیگر مال بھی برآمد کر لیا۔ ڈاکووں کے خلاف مقدمہ درج کر کے قانونی کارروائی شروع کر دی گئی۔
