امریکی صدر نے اپنی افواج کو اسرائیل کا دفاع کرنے کا حکم دے دیا
واشنگٹن(ڈیلی پاکستان آن لائن)امریکی صدر جو بائیڈن نے ایرانی حملوں کے بعد امریکی افواج کو اسرائیل کا دفاع کرنے کا حکم دے دیا۔ ترجمان وائٹ ہاؤس نے بتایا کہ ایرانی حملوں کی صورتحال کا جائزہ لے رہے ہیں، امریکی صدر بائیڈن اور نائب صدر کملا ہیرس وائٹ ہاؤس میں موجود ہیں۔ وائٹ ہاؤس کے مطابق جو بائیڈن نے امریکی فوج کو اسرائیل آنے والے ایرانی میزائلوں کو مار گرانے اور اسرائیل کا دفاع کرنے کا حکم دے دیا۔ دوسری جانب اپنے بیان امریکی صدر جو بائیڈن نے کہا تھا کہ امریکہ اسرائیل کے دفاع کےلیے تیار ہے۔ ان کا کہنا تھا کہ امریکہ خطے میں امریکی اہلکاروں کی حفاظت کےلیے بھی تیار ہے۔واضح رہے کہ ایران نے اسرائیل پر بیلسٹک میزائل سے حملہ کیا اور 400 میزائل داغ دیے۔
