سر آپ کے حکم پر صوبائی اسمبلیاں ٹوٹتی نظر نہیں آرہیں ، فیصل واوڈا کا نام لئے بغیر عمران خان کیلئے پیغام
کراچی ( ڈیلی پاکستان آن لائن) پاکستان تحریک انصاف ( پی ٹی آئی) کے سابق رہنما فیصل واوڈا نے نام لئے بغیر چیئرمین پی ٹی آئی کو پیغام دیتے ہوئے کہا کہ سر آپ کے حکم پر صوبائی اسمبلیاں ٹوٹتی نظر نہیں آرہیں ۔
سماجی رابطے کی ویب سائٹ ٹویٹر پر اپنے پیغام میں فیصل واوڈا نے کہا کہ سر بند گلی سے باہر نکلیں ، میز پر بیٹھ کر اور سسٹم میں رہتے ہوئے اس نظام کو تبدیل کریں ۔ آپ کے حکم اور خواہش کے مطابق پنجاب اور خیبرپختونخوا کی اسمبلیاں ٹوٹتی نظر نہیں آرہیں۔
فیصل واوڈا نے مزید کہا کہ آپ کے اردگرد جو سانپ منفی سیاست کر رہے ہیں وہ لاحاصل ہے ، یہ سانپ پہلے ہی لے ڈوبے ہیں ۔
سر آپ کے حکم اور خواہش کے مطابق نہ تو پنجاب حکومت ٹوٹتی نظر آ رہی ہے نہ کے پی حکومت, نظام ایسے ہی چلتا رہیگا، سر بند گلی سے نکلیں ٹیبل پر بیٹھیں اورسسٹم میں رہتے ہوئے اس نظام کو بدلیں۔منفی سیاست جو آپ کے ارد گرد سانپ کر رہے ہیں اس کا کوئی فائدہ نہیں- یہ سانپ پہلے ہی لے ڈوبیں ہیں-
— Faisal Vawda (@FaisalVawdaPTI) December 2, 2022
خیال رہے کہ پاکستان تحریک انصاف کے آزادی مارچ کے لاہور سے آغاز سے ایک روز قبل فیصل واوڈا نے آزادی مارچ کو خونی مارچ قرار دیدیا تھا ، پارٹی اصولوں کی خلاف ورزی پر فیصل واوڈا کی رکنیت منسوخ کر دی گئی تھی جس کے بعد انہیں پارٹی سے بے دخل کر دیا گیا تھا۔
