سوات اور گردونواح میں زلزلے کے جھٹکے
سوات(ڈیلی پاکستان آن لائن)سوات اور گردونواح میں زلزلے کے جھٹکے محسوس کئے گئے۔
نجی ٹی وی چینل جیو نیوز کے مطابق ریکٹر سکیل پر زلزلے کی شدت 4.8ریکارڈ کی گئی جبکہ زلزلے کی زیرزمین گہرائی 95کلو میٹر تھی، زلزلہ پیما مرکز کے مطابق زلزلے کا مرکز پاک افغان تاجکستان کا سرحدی علاقہ تھا۔
زلزلے کے جھٹکے محسوس ہونے پر لوگو ں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں اور دکانوں سے باہر نکل آئے۔
