سڑک پر چھڑکاؤ کے دوران پانی کی چھینٹیں پڑنے پر نوجوان چپس فروش قتل

  حیدر آباد (آئی ا ین پی )  سڑک پر چھڑکا ؤکے دوران پانی کی چھینٹیں پڑنے پر ایک نوجوان چپس فروش کو قتل کر دیا گیا۔

 تفصیلات کے مطابق سندھ کے شہر حیدر آباد میں محمد فہد ملک نامی چپس فروش سڑک پر دھول اٹھنے کے باعث پانی کا چھڑکا کر رہا تھا، جس کی چھینٹیں اشفاق سردار نامی شخص کے کپڑوں پر پڑیں، جس سے وہ طیش میں آ گیا۔ پولیس حکام کا کہنا ہے کہ چھینٹے پڑنے سے کپڑے خراب ہونے پر جھگڑا شروع ہوا، اوراشفاق سردار نے چپس فروش کو زد و کوب کیا، جس پر نوجوان جاں بحق ہو گیا۔

یہ واقعہ تھانہ حالی روڈ کی حدود میں پیش آیا، پولیس نے ملزم اشفاق سردار کو قتل کے الزام میں گرفتار کر لیا ہے، بتایا جا رہا ہے کہ مقتول چپس فروش محمد فہد ملک دل کا مریض تھا، جھگڑا  اس کے لیے جان لیوا ثابت ہوا۔