ترا ذکر کرنا عبادت ہے مولا۔۔۔

 حمد  باری تعالیٰ 

ترا ذکر کرنا عبادت ہے مولا
عبادت تری تا قیامت ہے مولا
رحیمی کریمی تری شان یعنی
تجھے دل سے پانا سعادت ہے مولا
تو پنہاں بھی ہوکر ہے ظاہر سبھی پر
اسی راز میں تو صداقت ہے مولا
یہ قلب و جگر یہ نظر یہ نظارے
تنفس بھی تیری امانت ہے مولا
ہدایت کے رستے پہ مجھکو چلانا
تری ہی محبت عنایت ہے مولا
زبان پہ یہ منظر کے جاری ہے جو کچھ
یہ قلب تواں کی حرارت ہے مولا

کلام :منظرانصاری