مقبوضہ کشمیر کی صورتحال پر پاکستانی مؤقف کی حمایت کر تے ہیں،اقوام متحدہ

مقبوضہ کشمیر کی صورتحال پر پاکستانی مؤقف کی حمایت کر تے ہیں،اقوام متحدہ

  

نیویارک(آئی این پی)بھارت کو اقوام متحدہ میں سبکی کا سامنا کرنا پڑا، اقوام متحدہ کے سیکریٹری جنرل انتونیو گوٹرس نے مقبوضہ کشمیر کی صورتحال پر تشویش کا اظہار کرتے ہوئے پاکستانی موقف کی کھل کر حمایت کردی،دوطرفہ اختلافات کا خاتمہ پر امن اور مثبت مذاکرات کے ذریعے کیا جائے(بقیہ نمبر37صفحہ12پر )

، دورہ بھارت میں امن اور بین الاقوامی ہم آہنگی بارے بات چیت کی جائے گی۔ بین الاقوامی میڈیا کے مطابق اقوام متحدہ کے سیکریٹری جنرل انتونیو گوترس نے مقبوضہ کشمیر کی صورتحال پر پاکستانی موقف کی حمایت کردی۔اقوامِ متحدہ کے سیکریٹری جنرل انتونیو گوترس نے کہا کہ انھیں مقبوضہ کشمیر کی صورتِ حال پر تشویش ہے۔ ان کا کہنا تھا کہ اختلافات کے پر امن خاتمے کے لیے مثبت مذاکرات کیے جائیں۔اقوام متحدہ کے سیکریٹری جنرل نے بھارتی خبرایجنسی کو انٹرویو میں مقبوضہ کشمیر کی صورتحال پر تشویش کا اظہار کیا اور تمام مسائل کے پر امن حل کے لیے مذاکرات کی ضرورت پر زور دیا۔ اپنے ٹویٹرپیغام میں انتونیو گوترس کا کہنا تھا وہ دورہ بھارت میں امن اور بین الاقوامی ہم آہنگی پر بات کریں گے۔واضح رہے کہ دو روز قبل نیویارک میں وزیرِ خارجہ شاہ محمود قریشی نے اقوامِ متحدہ کے سیکریٹری جنرل انتونیو گوترس سے ملاقات میں مسئلہ کشمیر حل کرنے کے لیے کردار ادا کرنے کا مطالبہ کیا تھا۔شاہ محمود قریشی نے سیکریٹری جنرل سے مطالبہ کیا تھا کہ بھارت سے کہا جائے کہ وہ مہم جوئی سے باز رہے، انھوں نے کہا تھا کہ پاکستان کی خواہش ہے کہ خطے کے دیرپا امن کے لیے بھارت کو مذاکرات میں شامل کیا جائے۔

اقوام متحدہ

مزید :

ملتان صفحہ آخر -