خوشدل شاہ شادی کے بندھن میں بندھ گئے
بنوں (ڈیلی پاکستان آن لائن) قومی کرکٹ ٹیم کے جارح مزاج بلے باز خوشدل شاہ شادی کے بندھن میں بندھ گئے۔
خوشدل شاہ کی شادی کی تقریب خیبر پختونخوا کے ضلع بنوں میں ہوئی جس میں محمد رضوان، وسیم جونیئر، افتخار احمد اور صاحبزادہ فرحان سمیت کئی فرسٹ کلاس کرکٹرز نےاور دوست احباب نے شرکت کی۔
شادی کی تقریب میں محمد رضوان اوردولہا خوشدل شاہ روایتی پشتون لباس زیب تن کیے ہوئے نظر آئے۔ پاکستانیوں کی جانب سے قومی کرکٹر کو زندگی کی نئی اننگز کی مبارکباد دی جا رہی ہے ۔
