روزنامہ’’ پاکستان‘‘ کی 35 ویں سالگرہ پر دیپالپور بار روم میں کیک کاٹنے کی تقریب، وکلاء و صحافیوں کی بڑی تعداد میں شرکت
دیپالپور ( ڈیلی پاکستان آن لائن ) روزنامہ’’ پاکستان‘‘ لاہور کی 35 ویں سالگرہ پر دیپالپور بار روم میں کیک کاٹنے کی تقریب منعقد ہوئی جس میں سابق صدور دیپالپور بار قاضی ضرغام الحق ایڈووکیٹ ،سینئر قانون دان چوہدری محسن شاہنواز کبیر ایڈووکیٹ ،سید الطاف حسین شاہ بخاری ایڈووکیٹ،میاں منظور احمد ریحان ایڈووکیٹ،سابق سیکرٹری بار سردار سجاد شہامدکا وٹو ایڈووکیٹ،امیدوار صدر بار سال 2026 میاں محمد احمد وٹو ایڈووکیٹ ،امیدوار سیکرٹری بار میاں کلیم ڈولہ ایڈووکیٹ ،سینئر صحافیوں ڈاکٹر محمد حسن رضا ،چوہدری ہمایوں خالد ارائیں ،شیخ رشید احمد پراچہ،ملک محمد نواز، و دیگر سینئر وکلاء نے بھرپور شرکت کی۔
اس موقع میاں کلیم ڈولہ نے شرکاء سے خطاب کرتے ہوئے کہا کہ روزنامہ ’’پاکستان‘‘ لاہور کے 35 سال مکمل ہونے پر دلی مبارکباد پیش کرتے ہیں اور چیف ایڈیٹر مجیب الرحمان شامی و انتطامیہ کو بہترین صحافتی خدمات انجام دینے پر خراجِ تحسین پیش کرتے ہیں۔
نمائندہ خصوصی روزنامہ’’ پاکستان‘‘ دیپالپور و سینئر صحافی و صدر عوامی اتحاد یونین آف جرنلسٹس پاکستان چوہدری عامر نذیر کمبوہ نے تمام معزز وکلاء کا شکریہ ادا کیا۔
