سنگدل باپ نے کلہاڑی سے 12 سالہ بیٹے کی ٹانگ کاٹ دی، وجہ کیا بنی؟ افسوسناک انکشاف

جھنگ (ویب ڈیسک) پنجاب کے شہر جھنگ میں سنگدل باپ نے کلہاڑی کے وار سے اپنے 12 سالہ بیٹے کی ٹانگ کاٹ دی۔

ابتدائی معلومات کے مطابق ملزم خاور عباس نے اپنے 12 سالہ بیٹے خرم شہزاد کو سوتیلی ماں کے بھڑکانے اور حقیقی ماں کے ساتھ رغبت پر سزا دی۔آج نیوز کے مطابق  یہ افسوسناک واقعہ تھانہ قادرپور کے علاقہ رتہ میں پیشہ آیا، جہاں اطلاع ملتے ہی پولیس کی بھاری نفری موقع پر پہنچ گئی۔

ڈی پی او جھنگ کیپٹن (ر) بلال افتخار کیانی نےواقعے کا فوری نوٹس لیتے ہوئے ملزم کو بروقت گرفتار کرنے کی ہدایت جاری کردی۔پولیس کے مطابق ملزم کے خلاف تھانہ قادرپور میں مقدمہ درج کیا جا رہا ہے، جبکہ گرفتاری کیلئے ریڈ جاری ہیں۔

ڈی پی او کیپٹن (ر) بلال افتخار کیانی کا کہنا ہے کہ ملزم کو جلد گرفتار کر کے کڑی سے کڑی سزا دلوائی جائے گی۔