معلوم نہیں لیول پلیئنگ فیلڈ کیا ہوتی ہے،پرویزخٹک

دیر بالا (ڈیلی پاکستان آن لائن)چیئرمین پی ٹی آئی پارلیمنٹیرینز پرویز خٹک کا کہنا ہے کہ پتہ نہیں لیول پلیئنگ فیلڈ کیا ہوتی ہے۔

دیر بالا میں صحافیوں سے گفتگو کرتے ان کا کہنا تھا کہ اُس پارٹی سے اتحاد کریں گے جو اپنی بہتر پالیسی بتائے گی۔اگر کسی پارٹی کے پاس ترقی کا جواب نہ ملا تو اپوزیشن میں بیٹھ جائیں گے،میرے ایم این اے اپوزیشن میں بیٹھ سکتے ہیں لیکن مجرموں کے ساتھ نہیں۔

ان کا یہ بھی کہنا ہے کہ جتنی پارٹیاں ہیں انہیں ایک دوسرے پر تنقید کی ضرورت نہیں، الیکشن میں پتہ چل جائے گا کہ کون بڑا بہادر ہے۔