نوکری کا جھانسہ دیکر شہریوں کو لوٹنے والے گروہ کے 3ملزمان گرفتار
لاہور(وقائع نگار) شادمان پولیس نے نوکری کا جھانسہ دیکر شہریوں کو لوٹنے والے گروہ کے 3ملزمان کو گرفتار کر لیا ۔پولیس کے مطابق ملزمان سہیل ،سیف اللہ اور نذیر لوگوں کو محکمہ صحت میں نوکری کا جھانسہ دیکر لوٹتے تھے اور بعد ازاں پیسے لیکر فرار ہو جاتے تھے ۔ملزمان کے قبضے سے جعلی کارڈز ،مہریں ،لیٹر پیڈ اور دیگر سامان برآمد ہوا ہے ۔پولیس نے ملزمان کے خلاف مقدمہ درج کرتے ہوئے ان کے خلاف کارروائی کا آغاز کر دیا ہے ۔