پاکستان تحریک انصاف کے کارکن اسمبلی کی عمارت میں داخل، شدید نعرے بازی

پشاور (ڈیلی پاکستان آن لائن) پاکستان تحریک انصاف کے کارکن وزیراعلی خیبر پختوںخوا  کی گمشدگی کے خلاف پشاور کی سڑکوں پر نکل آئے، کارکنان نےریڈ زون کا حصار توڑ کر اسمبلی میں داخل ہوئے اور علی امین گنڈاپور کی رہائی کیلئے شدید نعرے بازی کر رہے ہیں۔ 

24 نیوز کے مطابق مظاہرین وزیراعلی علی امین کی فوری رہائی کا مطالبہ کررہے ہیں،پی ٹی آئی کے مقامی رہنماء مظاہرے کی قیادت کررہے ہیں،کارکنان کا کہنا ہے کہ  پنجاب حکومت کی نہتے ورکروں پر تشدد اور شیلنگ کی مذمت کرتے ہیں،پُرامن احتجاج ہماراحق ہے ظلم وبربریت کی گئی ہے،مظاہرین کا مطالبہ ہے کہ وزیراعلی علی امین گنڈاپور کو فوری طور پر رہاکیا جائےاور پی ٹی آئی کے پرامن لوگوں پر تشدد کرنے والوں کے خلاف موثر کارروائی کی جائے۔ پی ٹی آئی کارکنوں میں خواتین کی بڑی تعداد بھی شامل ہیں،مظاہرین نےریڈ زون میں داخل ہونے کی کوشش کی ہےاور مظاہرین نے ریڈ زون حصار توڑ کے اسمبلی میں داخل ہوگئے، کارکنوں نے اسمبلی گیلری میں داخل ہوگئے جہاں کارکنوں کے اسمبلی ہال میں وزیر اعلیٰ کی رہائی کے لئے نعرے بازی کررہے ہیں۔