دیر میں   گزشتہ رات سے متعدد گاڑیاں برف میں پھنس کر رہ گئیں 

دیر ( ڈیلی پاکستان آن لائن )  راولپنڈی سے چترال جانے والی متعدد گاڑیاں دیر کے مقام پر شدید برفباری کے باعث گزشتہ رات سے پھنس کر رہ گئی ہیں  ۔

نجی ٹی وی جیو نیوز کے مطابق  تقریباً 12 سے  15 گاڑیوں میں  100 مسافر موجود ہیں ، گاڑیوں کو شدید برف میں پھنسے دس گھنٹے سے زیادہ کا وقت ہو چکا ہے مگر  این ایچ اے و دیگر انتظامیہ اطلاع ملنے کے باوجود تاحال امدادی کارروائیاں نہیں کر سکیں ۔ 

نجی ٹی وی کے مطابق پھنسی ہوئی گاڑیوں میں  خواتین اور بچے بھی شامل ہیں ۔