پنجاب کے ضلعی ہسپتالوں میں ایم آر آئی سروسز کا اجراء کر دیا گیا
لاہور ( ڈیلی پاکستان آن لائن )وزیراعلیٰ پنجاب مریم نواز کی ہدایت پر پبلک پرائیویٹ پارٹنر شپ کے تحت پنجاب کے ضلعی ہسپتالوں میں ایم آر آئی سروسز کا اجراء کر دیا گیا ہے-
تفصیلات کے مطابق ضلعی ہسپتالوں میں آؤٹ سورسنگ ماڈل پر ایم آر آئی سروسز فراہم کرنے کا پراجیکٹ شروع کردیا گیا ہے-شیخوپورہ اور بہاولنگر میں ایم آر آئی سکیننگ سروسز کیلئے ایم او یو پر دستخط کر دیئے گئے ہیں - شیخوپورہ اور بہاولنگر میں ایم آر آئی سکیننگ سروسز پر 39کروڑ 92لاکھ روپے لاگت آئے گی -شیخوپورہ کے ڈسٹرکٹ ہیڈ کوارٹر زہسپتال میں ایم آر آئی کی انسٹالیشن مکمل ہو گئی ہے-بہاولنگر کے ڈسٹرکٹ ہیڈ کوارٹرز ہسپتال میں ایم آر آئی مشین جلد نصب کر دی جائے گی-شیخوپورہ اور بہاولنگر میں ایم آر آئی سکیننگ سروسز کاجلد آغاز کر دیا جائے گا- منتخب اضلاع میں سروس ڈلیوری بہتر بنانے کے لیے آؤٹ سورسنگ ایم آر آئی سروسزمتعارف کرائی جائیں گی -
